إيه النغمة اللي شغالة دلوقتي إن الديمقراطية حرام دي؟ وكأن اللي يطالب بها كأنه بيقول كلمة أبيحة مثلا
يقولك أصل الديمقراطية معناها إن السلطة للشعب وإن الشعب يحكم نفسه بنفسه.. والشعب ممكن يختار حاجة تناقض الدين
يا سلام!!
خلاص.. إحنا شعب فاجر يعني؟ مجبرين على الدين ومستنيين فرصة علشان نخلع عباءة الدين ونمشي على كيفنا بلا ضوابط؟؟
الشعب المصري هو أكثر شعوب العالم تمسكًا بالدين.. واللي بيقولوا الديمقراطية حرام لأنها بتدي الشرعية للشعب
مش الشعب ده هو اللي تباهيتوا بيه لأنه خرج في الاستفتاء يقول نعم للدين.. مش هو اللي صوت بنعم اعتقادًا إنه بيصوت للمادة التانية من الدستور
مش دي ديمقراطية برضه
(ومش أنا اللي بأقول كده.. اسمعوا غزوة الصناديق وأنتوا تعرفوا)
يعني الديمقراطية دي حرام؟!
إحنا مش مستنيين السلطة تكون لينا علشان ننسلخ من ديننا وتعاليمه التي نفخر بتمسكنا بها
ليه متقولوش إن السلطة للشعب معناها إن لو واحد أردا تمرير قانون يبيح الدعارة مثلا فالشعب يقوله لأ
أو لو حد أراد تمرير قانون يمنع إرتداء الحجاب الشعب يقوله لأ
أو إن الشعب أراد منع تصنيع وبيع الخمور يتم المنع نزولاً على رأى الشعب رغمًا عن أنف المستفيدين وهم كُثر
أو يتعمل استفتاء على اتفاقية كامب ديفيد والشعب يقرر يلغيها
مش دي ديمقراطية؟!
ليه الإعتقاد إن الدين عندكم وباقي الشعب فجار ينتظرون اللحظة المواتية للخروج على حل شعرهم
ومادامت الديمقراطية حرام.. أمال الشورى كانت إيه
مش رأى الأغلبية برضه؟
وبعدين الحكاية مش بتكون سايحة على بعضها وهيصة..أمال الدستور اللي بيحدد شكل الحياة في البلد لازمته إيه؟.
في قواعد ثابتة يمشي على أساسها الكل.. شعب وحكومة وحاكم
يعني لما يتم تفعيل إن الشريعة الإسلامية هى المصدر الأساسي للتشريع يبقى خلاص مفيش قانون من الأساس ينفع يطلع يخالف الإسلام
وإيه تعدد الأحزاب حرام لأن فيه ناس ممكن تعمل حزب لوطي ولا حزب هباب أزرق
هو إحنا همج عايشين بوهيميين وخلاص
مش فيه دستور وقانون أحزاب ولا مفيش..
يا سادة إحنا من أرقى شعوب الأرض رغم كل ما مررنا به.. الحضارة والتحضر عندنا شئ بديهي رغم كل طبقة الرواسب لكن تحضرنا بيظهر دايمًا عند الأزمات.. إحنا لو مش متحضرين وبيحكمنا الإسلام كان الناس خدوا حقهم بإيديهم ولا محاكمات صورية وتنحي مشروط.. وكان زمان رؤوس الفساد منتهيين وممثل بجثثهم.. ثورات دول العالم كانت دموية على الرغم من تمدنهم الظاهر
لكن إحنا ثورتنا كانت أنيقة راقية لأننا شعب متدين بالفطرة
وأظن اللي كان بيحصل في ميادين تحرير مصر يثبت إننا شعب متحضر.. يحكمه الإسلام.. والإسلام يعيش في قلوب الناس ولن نقبل المساس بمعتقادتنا أبدًا.. ولن نقبل أن يشكك في ديننا من يظنون أنهم الجانب الوحيد الصائب وماعداهم شياطين
يقولك أصل الديمقراطية معناها إن السلطة للشعب وإن الشعب يحكم نفسه بنفسه.. والشعب ممكن يختار حاجة تناقض الدين
يا سلام!!
خلاص.. إحنا شعب فاجر يعني؟ مجبرين على الدين ومستنيين فرصة علشان نخلع عباءة الدين ونمشي على كيفنا بلا ضوابط؟؟
الشعب المصري هو أكثر شعوب العالم تمسكًا بالدين.. واللي بيقولوا الديمقراطية حرام لأنها بتدي الشرعية للشعب
مش الشعب ده هو اللي تباهيتوا بيه لأنه خرج في الاستفتاء يقول نعم للدين.. مش هو اللي صوت بنعم اعتقادًا إنه بيصوت للمادة التانية من الدستور
مش دي ديمقراطية برضه
(ومش أنا اللي بأقول كده.. اسمعوا غزوة الصناديق وأنتوا تعرفوا)
يعني الديمقراطية دي حرام؟!
إحنا مش مستنيين السلطة تكون لينا علشان ننسلخ من ديننا وتعاليمه التي نفخر بتمسكنا بها
ليه متقولوش إن السلطة للشعب معناها إن لو واحد أردا تمرير قانون يبيح الدعارة مثلا فالشعب يقوله لأ
أو لو حد أراد تمرير قانون يمنع إرتداء الحجاب الشعب يقوله لأ
أو إن الشعب أراد منع تصنيع وبيع الخمور يتم المنع نزولاً على رأى الشعب رغمًا عن أنف المستفيدين وهم كُثر
أو يتعمل استفتاء على اتفاقية كامب ديفيد والشعب يقرر يلغيها
مش دي ديمقراطية؟!
ليه الإعتقاد إن الدين عندكم وباقي الشعب فجار ينتظرون اللحظة المواتية للخروج على حل شعرهم
ومادامت الديمقراطية حرام.. أمال الشورى كانت إيه
مش رأى الأغلبية برضه؟
وبعدين الحكاية مش بتكون سايحة على بعضها وهيصة..أمال الدستور اللي بيحدد شكل الحياة في البلد لازمته إيه؟.
في قواعد ثابتة يمشي على أساسها الكل.. شعب وحكومة وحاكم
يعني لما يتم تفعيل إن الشريعة الإسلامية هى المصدر الأساسي للتشريع يبقى خلاص مفيش قانون من الأساس ينفع يطلع يخالف الإسلام
وإيه تعدد الأحزاب حرام لأن فيه ناس ممكن تعمل حزب لوطي ولا حزب هباب أزرق
هو إحنا همج عايشين بوهيميين وخلاص
مش فيه دستور وقانون أحزاب ولا مفيش..
يا سادة إحنا من أرقى شعوب الأرض رغم كل ما مررنا به.. الحضارة والتحضر عندنا شئ بديهي رغم كل طبقة الرواسب لكن تحضرنا بيظهر دايمًا عند الأزمات.. إحنا لو مش متحضرين وبيحكمنا الإسلام كان الناس خدوا حقهم بإيديهم ولا محاكمات صورية وتنحي مشروط.. وكان زمان رؤوس الفساد منتهيين وممثل بجثثهم.. ثورات دول العالم كانت دموية على الرغم من تمدنهم الظاهر
لكن إحنا ثورتنا كانت أنيقة راقية لأننا شعب متدين بالفطرة
وأظن اللي كان بيحصل في ميادين تحرير مصر يثبت إننا شعب متحضر.. يحكمه الإسلام.. والإسلام يعيش في قلوب الناس ولن نقبل المساس بمعتقادتنا أبدًا.. ولن نقبل أن يشكك في ديننا من يظنون أنهم الجانب الوحيد الصائب وماعداهم شياطين
ليست هناك تعليقات:
إرسال تعليق