قررت محكمة جنايات القاهرة إخلاء سبيل رجل الأعمال ابراهيم كامل المتهم في قضية قتل المتظاهرين بكفالة ماليه قدرها 200ألف جنيه كما قررت إخلاء سبيل محمد الغمراوي أمين الحزب الوطني بالقاهرة المتهم في نفس القضية بضمان محل إقامته بعد قبول الاستئناف المقدم منهما ضد قرار المستشار محمود السبروت بحبسهما 15يوما علي ذمة التحقيقات في قضية قتل المتظاهرين المعروفة بموقعة الجمل يوم 2فبراير الماضي.
نص الخبر
حد يفهمني بالعقل كده الناس دي خرجت ليـــــــــه؟
مش دول المتهمين وخصوصًا إبراهيم كامل بالتجهيز والتخطيط لموقعة الجمل يوم 2 فبراير
مش إبراهيم كامل ده اللي الشرطة العسكرية انقضت على ميدان التحرير علشان تقبض عليه فيما سمى بليلة القبض على إبراهيم كامل
أصل إحنا لينا في الدراما ونموت في السينما الواقعية
أى نعم المعتصمين اتبهدلوا، واعتقلوا، وانضربوا بالنار بس أهو اتنيلوا وحطوه في السجن
خرج ليه بأة؟
بما أن فيه ثورة تانية إن شاء الله يوم 27 مايو فطبيعي ح يحتاجوا موقعة جمل تانية وطبعا لازم نستعين بذوي الخبرة
ودول ناس خبرة بصراحة.. دول جابوا جمال ميدان التحرير.. يعني لا سحر ولا شعوذة ولا أى حاجة
أى نعم ينقصهم عنصر الابتكار بس وإيه يعني.. التخطيط السليم في العقل البهيم
يبقى أحنا كده عارفين ولازم نستعد برضه
محدش ينسى كمان إننا مش ح نلاقي أسد التحرير.. ولا حيادية أخت شفافية موجودة هناك
ولا الأمن المركزي ح ينسحب
ولا الأخوان ح ينزلوا.. ولا الخواجة كنتاكي ح يغدينا
لكن عندما تحبس أسدًا جريحًا وتحاصره من جميع الجهات فلا تلومن إلا نفسك
ومش عارفة ح نفضل لحد إمتى نتعامل مع أغبياء.. ولحد إمتى ح يحكمنا الغباء والشيخوخة.. كده كتير أوي
لو بيجهزوا أدوات القمع أحب أقولهم.. كان غيرهم أشطر
إحنا اللي قلنا لأ.. وإحنا اللي خلعنا اللي قبلكم ونقدر دلوقتي نلخلخكم ونخلعكم برضه
خدولي بالكم بأة من جملة (الجيش يقف على الحياد ولا يتدخل لصالح أى طرف في ميدان التحرير)
حامي الثورة.. ده الواحد صدره حرقه وجاله حموضة من الحامي ده
نص الخبر
حد يفهمني بالعقل كده الناس دي خرجت ليـــــــــه؟
مش دول المتهمين وخصوصًا إبراهيم كامل بالتجهيز والتخطيط لموقعة الجمل يوم 2 فبراير
مش إبراهيم كامل ده اللي الشرطة العسكرية انقضت على ميدان التحرير علشان تقبض عليه فيما سمى بليلة القبض على إبراهيم كامل
أصل إحنا لينا في الدراما ونموت في السينما الواقعية
أى نعم المعتصمين اتبهدلوا، واعتقلوا، وانضربوا بالنار بس أهو اتنيلوا وحطوه في السجن
خرج ليه بأة؟
بما أن فيه ثورة تانية إن شاء الله يوم 27 مايو فطبيعي ح يحتاجوا موقعة جمل تانية وطبعا لازم نستعين بذوي الخبرة
ودول ناس خبرة بصراحة.. دول جابوا جمال ميدان التحرير.. يعني لا سحر ولا شعوذة ولا أى حاجة
أى نعم ينقصهم عنصر الابتكار بس وإيه يعني.. التخطيط السليم في العقل البهيم
يبقى أحنا كده عارفين ولازم نستعد برضه
محدش ينسى كمان إننا مش ح نلاقي أسد التحرير.. ولا حيادية أخت شفافية موجودة هناك
ولا الأمن المركزي ح ينسحب
ولا الأخوان ح ينزلوا.. ولا الخواجة كنتاكي ح يغدينا
لكن عندما تحبس أسدًا جريحًا وتحاصره من جميع الجهات فلا تلومن إلا نفسك
ومش عارفة ح نفضل لحد إمتى نتعامل مع أغبياء.. ولحد إمتى ح يحكمنا الغباء والشيخوخة.. كده كتير أوي
لو بيجهزوا أدوات القمع أحب أقولهم.. كان غيرهم أشطر
إحنا اللي قلنا لأ.. وإحنا اللي خلعنا اللي قبلكم ونقدر دلوقتي نلخلخكم ونخلعكم برضه
خدولي بالكم بأة من جملة (الجيش يقف على الحياد ولا يتدخل لصالح أى طرف في ميدان التحرير)
حامي الثورة.. ده الواحد صدره حرقه وجاله حموضة من الحامي ده
ليست هناك تعليقات:
إرسال تعليق