مكرهش في الدنيا أد القبح.. وما أقصده ليس شكل البني آدمين على فكرة.. لكن قبح المنظر العام.. في الطرقات، المدن، المباني
تبقى ماشي تلاقي فجأة عمارة مبنية بالطول.. يعني عاملة زى القطر وطبعا لو قدمت عليها احتمال تنقض على أم رأسك لأنها زى البني آدم اللي عمل رجيم لغاية ما بقى جلد على عضم..
بلاش دي يمكن علشان الأرض صغيرة والناس عايزة تسكن..
شارع محترم وواسع.. لأ وايه متشجر كمان تلاقي عبقرية واحد نقحت عليه قريحته فجأة ومن وحى الثورة راح داهن جذع الشجرة بألوان العلم.. ومش ناقص غير يحنط نسر ويحطه في النص..
لو الشجر له لسان كان قال كلام لا ترضى عنه أبدًا أخلاق ميدان التحرير..
طيب ليه الناس مغرمة أساسا بقص الشجر على شكل هلال ولا نجمة وكأنهم مندوبي مبيعات شركة خالتي نجمة بتاعة أدوات النضافة.
تلاقي الكورنيش واسع وزى الفل لكن طبعا احنا فراعنة والجينات بأة الله يجازيها بتنطر والكتابة على الحيطان تشتغل..
وكأن توت غتخ آمون قام من مرقده ليسجل تلك اللحظة التاريخية من سنين العذاب والذكري الـ.....
طب تخيل حاجة تانية.. أمطار كده الصبح بدري.. جو شتا ساحر وأنت متكلفت بكوفية.. ونازل شغلك ولا كليتك ومن غير شمسية علشان اللي يفوت المشى في النطرة على رأى القذافي يبقى مش عايش شبابه.. رافع راسك للسما مستني قال ايه قوس قزح إذ فجأة تروح غاااارز في مستنقع استوائي مثالي مش ناقص غير يطلعلك منه تمساح..
مع إن المطر عندنا خفيف يعني، لكن الشوارع صماء.. لا تحتوى على صرف.. فين أيام البالوعة المفتوحة التي كانت تبتلع مياه المطر والبشر معا..
ويتحول عندنا أجمل فصول السنة إلى أطينها..
الجمال.. نفسي أشوف الجمال من غير اقامة جبرية في شرم
تبقى ماشي تلاقي فجأة عمارة مبنية بالطول.. يعني عاملة زى القطر وطبعا لو قدمت عليها احتمال تنقض على أم رأسك لأنها زى البني آدم اللي عمل رجيم لغاية ما بقى جلد على عضم..
بلاش دي يمكن علشان الأرض صغيرة والناس عايزة تسكن..
شارع محترم وواسع.. لأ وايه متشجر كمان تلاقي عبقرية واحد نقحت عليه قريحته فجأة ومن وحى الثورة راح داهن جذع الشجرة بألوان العلم.. ومش ناقص غير يحنط نسر ويحطه في النص..
لو الشجر له لسان كان قال كلام لا ترضى عنه أبدًا أخلاق ميدان التحرير..
طيب ليه الناس مغرمة أساسا بقص الشجر على شكل هلال ولا نجمة وكأنهم مندوبي مبيعات شركة خالتي نجمة بتاعة أدوات النضافة.
تلاقي الكورنيش واسع وزى الفل لكن طبعا احنا فراعنة والجينات بأة الله يجازيها بتنطر والكتابة على الحيطان تشتغل..
وكأن توت غتخ آمون قام من مرقده ليسجل تلك اللحظة التاريخية من سنين العذاب والذكري الـ.....
طب تخيل حاجة تانية.. أمطار كده الصبح بدري.. جو شتا ساحر وأنت متكلفت بكوفية.. ونازل شغلك ولا كليتك ومن غير شمسية علشان اللي يفوت المشى في النطرة على رأى القذافي يبقى مش عايش شبابه.. رافع راسك للسما مستني قال ايه قوس قزح إذ فجأة تروح غاااارز في مستنقع استوائي مثالي مش ناقص غير يطلعلك منه تمساح..
مع إن المطر عندنا خفيف يعني، لكن الشوارع صماء.. لا تحتوى على صرف.. فين أيام البالوعة المفتوحة التي كانت تبتلع مياه المطر والبشر معا..
ويتحول عندنا أجمل فصول السنة إلى أطينها..
الجمال.. نفسي أشوف الجمال من غير اقامة جبرية في شرم
ليست هناك تعليقات:
إرسال تعليق