يعني. أنا دخلت الفيس بوك من 10 شهور كده.. ما شاء الله وبلا حسد ولا نق.. لاقيتني ماشية فيه فريرة..
انشكحت بنفسي.. صور تلاقي، روابط شغال، ملاحظات قطر مجري..
قلت أجرب تويتر وأهو الواحد يكون هو العصفورة اللي كانوا بيقولولنا عليها زمان لما نسأل عرفت منين. نسمع "العصفورة قالتلي".
فشلت فشل ذريع.. شفتش عصفورة مش عارفة "تغرد" أهو أنا.. أيوة عصفورة إيه غريبة دي، ما علينا..
تقريبا مش شايفة حاجة.. ولا عارفة أكتب فين..
طب ما أجرب أدون أنا كمان يعني اللي بيتسجنوا أحسن مني.. انا فلت من الفيس بوك.. يمكن المدونة تجيب نتيجة.. وأهو دخان أحسن من السحابة السودا..
يعني لما تشوف الدخان بتاعنا طالع من الواقع الافتراضي أحسن ما تشوفه فوق دماغك دوغري وأنت ماشي في نهار المحروسة
على الأقل مش ح تتخنقك..
المدونات.. إحم.. يعني سهلة.. لكن أموت وأعرف أنظمها ازاى.. حاسة المدونة بتاعتي عاملة زى دولابي بالظبط..
العنوان ورا الصورة، والاسم تحت النص، والتاريخ من غير أصفار.. واحتمال تلاقي المدونة كلها مفتوحة والهدوم.. أأ قصدي الموضوعات باظة كلها لبرة..
اصبر عليا لحد بس ما أتعلم أنظمها بتاع تسع ست سنين كده وتبقى ميدان تحرير بعد فض الاعتصام وتشجير الميدان بأيدي القوات المسلحة.. لأن الجيش والتحرير طول عمرهم ايد واحدة.
لو لقيت صورة متنية افردها.. ولو مقالة متكرمشة أكويها.. لو قصة قصيرة واقعة تحت البلوجر إلهي تنسعد طبقها..
الحكاية كلها محتاجة صبر لحد اصلاح النظام.. وأنتوا عارفين إن المدونات تتبع شركة أجنبية قد تستخدم أجندات خاصة بها.. يسيبونا احنا هنا نحتاس في النت وهمة معاهم أجندات ويمكن أقلام حبر كمان.. لا كهربة تقطع تعطلهم.. ولا نت يفصل يوقفهم.
وقديما قالوا أن القلم أقوى من الكيبورد لكننا اثبتنا أن البيدج أوسع من كراسة الحساب المليانة مربعات..
والبروفايل أجمل من تيكت الكراسة اللي عليه سندريلا..
والأهرام مش في الجيزة لكن كانت في "السرايا" علشان كده كتبنا على الوول بدل ما نكتب على الحجارة زى الفراعنة..
والانبوكسات كانت أكثر غموضا من حجرة الدفن الملكية اللي زاهي حواس اتحنط في الشمس أيام وليالي علشان يلاقيها.
لكن مين قال إن المدونة هنا يسكنها خوفو.. دي مش مدونة فرعونية لكنها مصرية.. بأيد مصرية.. وطبعا عارفين إن مصر المعاصرة كلها إيد واحدة..
وماتحاولش تمسك الدخان اللي هنا علشان الدخان محتاج أكتر من إيد تمسكه.. اتفرج عليه وهو بيطير.. وفكر ح يروح فين..
ألا محدش يعرف ميعاد السحابة السودا؟؟؟
انشكحت بنفسي.. صور تلاقي، روابط شغال، ملاحظات قطر مجري..
قلت أجرب تويتر وأهو الواحد يكون هو العصفورة اللي كانوا بيقولولنا عليها زمان لما نسأل عرفت منين. نسمع "العصفورة قالتلي".
فشلت فشل ذريع.. شفتش عصفورة مش عارفة "تغرد" أهو أنا.. أيوة عصفورة إيه غريبة دي، ما علينا..
تقريبا مش شايفة حاجة.. ولا عارفة أكتب فين..
طب ما أجرب أدون أنا كمان يعني اللي بيتسجنوا أحسن مني.. انا فلت من الفيس بوك.. يمكن المدونة تجيب نتيجة.. وأهو دخان أحسن من السحابة السودا..
يعني لما تشوف الدخان بتاعنا طالع من الواقع الافتراضي أحسن ما تشوفه فوق دماغك دوغري وأنت ماشي في نهار المحروسة
على الأقل مش ح تتخنقك..
المدونات.. إحم.. يعني سهلة.. لكن أموت وأعرف أنظمها ازاى.. حاسة المدونة بتاعتي عاملة زى دولابي بالظبط..
العنوان ورا الصورة، والاسم تحت النص، والتاريخ من غير أصفار.. واحتمال تلاقي المدونة كلها مفتوحة والهدوم.. أأ قصدي الموضوعات باظة كلها لبرة..
اصبر عليا لحد بس ما أتعلم أنظمها بتاع تسع ست سنين كده وتبقى ميدان تحرير بعد فض الاعتصام وتشجير الميدان بأيدي القوات المسلحة.. لأن الجيش والتحرير طول عمرهم ايد واحدة.
لو لقيت صورة متنية افردها.. ولو مقالة متكرمشة أكويها.. لو قصة قصيرة واقعة تحت البلوجر إلهي تنسعد طبقها..
الحكاية كلها محتاجة صبر لحد اصلاح النظام.. وأنتوا عارفين إن المدونات تتبع شركة أجنبية قد تستخدم أجندات خاصة بها.. يسيبونا احنا هنا نحتاس في النت وهمة معاهم أجندات ويمكن أقلام حبر كمان.. لا كهربة تقطع تعطلهم.. ولا نت يفصل يوقفهم.
وقديما قالوا أن القلم أقوى من الكيبورد لكننا اثبتنا أن البيدج أوسع من كراسة الحساب المليانة مربعات..
والبروفايل أجمل من تيكت الكراسة اللي عليه سندريلا..
والأهرام مش في الجيزة لكن كانت في "السرايا" علشان كده كتبنا على الوول بدل ما نكتب على الحجارة زى الفراعنة..
والانبوكسات كانت أكثر غموضا من حجرة الدفن الملكية اللي زاهي حواس اتحنط في الشمس أيام وليالي علشان يلاقيها.
لكن مين قال إن المدونة هنا يسكنها خوفو.. دي مش مدونة فرعونية لكنها مصرية.. بأيد مصرية.. وطبعا عارفين إن مصر المعاصرة كلها إيد واحدة..
وماتحاولش تمسك الدخان اللي هنا علشان الدخان محتاج أكتر من إيد تمسكه.. اتفرج عليه وهو بيطير.. وفكر ح يروح فين..
ألا محدش يعرف ميعاد السحابة السودا؟؟؟
ليست هناك تعليقات:
إرسال تعليق